هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مقطع من الموت على الأسفلت

اذهب الى الأسفل

مقطع من الموت على الأسفلت Empty مقطع من الموت على الأسفلت

مُساهمة من طرف mad الجمعة يوليو 30, 2010 5:13 pm



من الزوايا والأركان

خرج الطوفان:

ألوفات شبان.

إصعد يادخان

إبعد ياشيطان

إجبن ياجبان

رجع الاسم ورجع العنوان.

يغلى البركان

ويفور

ويدور

إتهد السور .. طلع الإنسان.

الصدر العالى عليه الوشم:

خريطة الدم .. فلسطين ياأحلا الأوطان.

مين قال بعنا ..؟

مين قال ضعنا؟

يا تمانية واربعين كدابه وكدابه ياسبعه وتسعين.

التار له نار طى الكتمان

واليوم يا خليل

يا جليل

يا بيت لحم ..الإعلان

يا..صوت الطفل اللى بيحررنى ف بلدى

بارك ربى فيك.....ياولدى

يا..نهر النار الفايره اوعى تبطل جريان

دراعات الوحش الغاضب..أصوات الكروان

راجح

فالح

مازن

مروان

وأخدنا بتارك يا غسان

يا كمال ناصر

دمك حاصر

أعداءك..مش بس فى لبنان

يا ... ماجد يابو شرار جينا

دمك فينا

لسة سامعينك تنيادينا

ما عادتش الدمعة مكتومه

صبحت صرخة

صبحت صرخةروح محمومه

تصفع روما

ع الكتف نشيلوا سرير الفندق ونشيلك

مواويل الثوره مواويلك

تحت قميصك غنوة شهدا

من كل مخيم...

زاحفه يا ماجد تحت الثوره تغنى لك

عطر الآنبياف مناديلك

أولادك يابو شرار بالطوب

عدلوا المقلوب

شطبوا كل القدر المكتوب

فتحوا بوابة الفجر

وواجهوا الغدر

وصاحوا:يا فلسطين

يسقط كل الكدب العربى

يسقط كل الاخوه الخاينين

نرسم بالدم خريطه للآوطان

إتفلت الجان

والمسجون قام ياكْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْْل السجان

دارت دارت

لعبتهم بارت..

قوتهم خارت.. وانهارت

والدايره على الباغى دارت

دارت .. دارت

يادنان الكبت ..الظلم .. القهر .. على الطرقات .. فارت.

ومخيم بات .. وصبح ميدان

صبح ميدان والدنيا

الدنيا اتحطت واتشالت




mad
Admin

عدد المساهمات : 1501
تاريخ التسجيل : 19/08/2009

https://madworld.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى